القانون الشامل
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
القانون الشامل

منتدي القانون العلم والمعرفة
 
الرئيسيةالرئيسية  البوابةالبوابة  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 حصريا جديد2012مراحل الوصول إلى مطارات أمريكا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 1095
تاريخ التسجيل : 16/11/2012

مُساهمةموضوع: حصريا جديد2012مراحل الوصول إلى مطارات أمريكا    الأحد ديسمبر 16, 2012 10:24 am

سلام عليكم


أنا أولا بغيت نكتب هاد موضوع حيت بزاف إخوان معرفينش مراحل لي تنتظرهم في مطارات أمريكية علما أنهم أول مرة يجو لي أمريكا شوية صعيبة أول مرة

أو كانفضل أنني نكتب بي اللغة الدارجة حيت كانغلط في الفصحى هههه

أول حاجة هي ملي تاخدو فيزا تاعكووم تيعتيوكوم ف باسبورت ستة أشهر باش تخرج من لبلاد هادشي راه تيكتبوو ليكم تاريخ لي تكمل ليكم الفيزا فيه في الباسبورت لكن نتوما يمكن ليكم تخرجو لوقت لي بغيتو غير ماتفوتوش لمدة لي كاتبين ليكم و صافي

المهم يوم السفر بعدا ملي تقطعوا تيكت تاع طيارة إلى قطعتها اونلين ضروري خصك تكونفيرمها في لا جونس تاع شركة طيران لي قطعتي فيها و تختار الكرسي لي باغي زعما واش حدا نافدة أو لا و إلى كنت ناوي تمشي في شركة طيران أجنبية تختار نوع أكل لي يعطوك واش حلال أو لا نتابهو ل هاد نقطة

وإلا قطعت من لا جونس نفس شي قول لهم هادشي باش يكتبه ليكم في تيكت

و عندهم

المهم يوم السفر تمشي بكري قبل من موعد الطائرة ب ساعتين أول حاجة تشوف باكاج ديالك شحال عطتك شركة طيران كاينة ديال المغرب عندها خط من مغرب مباشرة إلى نيويورك تاتعتيك زوج شنط تاع 23 كيلو لوحدة و وهدا تاع 10 كيلو أو 11 كيلو صغيرة ديال 23 تدفعهم مع باكاج و الاخرى تبقى معاك ف طيارة

مهم عبرو باكاج ديالكم قبل ماتمشيو مطر

و شريكة أخرى ماكاتعتيش بحال المغربية كاتعتيك غير 23 كيلو في شنطة وحدة أ وهدا صغيرة تاع 10 وإلا بغيتي تزيد وحدة كبيرة تاع 23 كيلو لابد تخلص عليها 600 درهم مغربية يعني 50 يورو

مهم ملي توصل المطار قبل الطيران ب ساعتين أول حاجة تدخل المطار دوز ف سكانر عند ديوان من بعد تمشي يفاتشوو ليك ديوانة شنط تاعك كاملين من بعد تمشي guichet باش تكمل معمله سافر فيه تلقى صف تاع المسافرين قدامك تنتظر ملي توصلك نوبتاك ردي تعبر ليك الشنط ديالك لكبار إلى كانت زايدين ف كيلووات تقولك خلس مزايدينش عادي ترسلهم ل طيارة و تاخد من عندك باسبورت تاعك و يمكن تطلب ليك العنوان فين تسكن في أمريكا تكون كاتبو في ورقة معاك في الجيب

من بعد تعطيك تيكت في باسبورت و تقولك طريق السلامة و تمشي من باب كدا و كدا تهز شنطة صغيرة و تمشي تبحت على باب لي عندك منو طيارة ملي توصل الوقت تسلم على أحباب و الوالدين و تدخل يعبر ليك الشنطة صغيرة و تعطي جوزك للديواني يعني جمارك يشوفه و يشوف تيكت و يطبع ليك و يقولك دخول لمطار في الداخل تدخل تشد صف أخر حدا كيشي تعطيه باسبورت تاعك يشوفو و يشوف واش نت ولا مزور ههه يتأكد من باسبور في واحد سكانر بي أنه مامزورش من بعد يطبع ليك الخروج و يقولك طريق سلامة تمشي من واحد باب تاع زاج من بعد تلقى جمركي أخر يدوزك ف باب سكانر بلا دوسي أصفر بلا شنطة شنطة دوز وهذا مع أوراق في سكانر من بعد تاخد أغراضك و تمشي من ممر طويل جدا من بعد تطلع في دروج و تلقى واحد قاعة كبيرة عريضة فيها كرسى بزاف تاع مسافرين و فيها زاج تعبان ليك منو طيارات إلى بغاو يقلعو

إلى مازال وقت طيارة تجلس تنتظر و إلى كان لوقت تمشي عند جمارك يفاتشوو ليك شنطة و يقولك تدخل في واحد بيت صغير مداراق بي توب ملي تدخل تلقى إمرأة ديوانية غليظة جدا يعني سمينة ههه

تفتشك من راسك رجليك و تقولك بسلامة تمشي تلقى زوج فتيات تعطيهم باسبورت و تيكت ياخذها ليك و يعطوك تيكت صغيرة أخرى و يقول ليك طريق سلامة تمشي مع ممر طويل جدا تلقى ممر تاع طيارة تدخل تلقى مضيفات واقفين ف باب طيارة تيراحبو بالمسافرين تدخل طيارة تقلب على الكرسي تاعك الرقم تعو مسجل عندك في الورقة

تجلس في كرسي تلقاهم موجدين ليك الغطاء و الوسادة تجلس مع الناس و تحط الشنطة تاعك في المكان المخصص لها فوق من كرسي تاعك و دير حزام السلامة و تنتظر وقت إقلاع من بعد ما كلشي ياخد كرسي ديالو يجو موظفين الطائرة يدير ليكم فلم قصير غير بينهم ديال السلامة في الطائرة يوريوكم كيفاش ديرو ل أكسجين و واحد لبسة واقعية حتى هي يقول ليكم كلشي عندكم لتحت في كرسي تاعكووم و كتب يحطهم ليكم فيهم معلومات على طائرة تا هما من بعد صافي يقولك ردي تقلع الطائرة أصعب حاجة ف طائرة هي تقلع شوية صعيبة بعد ما تقلع صافي تاخد توازن تاعها يعني كلشي مزيان تشدو طريق كلشي تتشوفوه في تلفزيون صغير شوية يجو يعتيوكوم السمعة كي تسمعو فلم أو موسيقى و جوارب تلبسهم ف رجليكوم باش مايجيكمش لبرد في طيارة و معاهم نادرة توب باش مايبنش ليكم الضوء إذا بريتو تنعسو و من بعد يعتيوكوم أكل المهم إذا كنت تمشو في المغربية يعني حتى نيو يورك إلى كنتو تمشو في تاع اوروبا يعني تنزل في أحد دول اوروبية و تنتظر مدة بين سكال و إقلاع طائرة أخرى بعدين تمشو ف طائرة تانية نفس شيء لما توصلو لي مطار أمريكا يقولو لكم بلي وصلت مع ساعة كدا و كدا و توقف طيارة ف بلاصة مخصصة ليها من بعد تنزلو بشوية بشوية للمطار على حساب الممر لي عندك إلى عندك جات ١ راه سهل إلى عندك ٢و ما فوق تاخد ترين أو سولهوم را الناس كاتساعد بزاف هنا هما يدالووك فين بضبط تمشي على حساب

gate

من بعد ملي توصل تلقى صفوف بزاف فيهم الناس لي مجنسين و مقيمين في أمريكا هادوك وحدهم و كين صفوف خاصة بالناس تاع تووريست و الناس قرعة لي أول مرة و الناس زواج و خطوبة لي أول مرة هادوك كاتبين عليهم

visa

لفوق ف واحد لائحة و دايرين تلفزيون بزاف معلقين تيشرحو للناس لمراحل لي يدوزو منهم ملي ينزلو حتى يخرجومن المطار

تشد الصف مع الناس حتى توصلك نوبة تأكد من وجود دوسي الأصفر تاعك را مهم بزاف

و العنوان لي غادي تمشي تسكن فيه يكون ضروري عندك حيت تحتاجوو ف طيارة تعمر لورا ق لي يعطوك و تحتاجوو حتى في المطار إلى ماكانش هو يعني ماكين والو حيت هو لي يرسلو ليك فيه الإقامة ديالك لي هي جرين كارد و

social

توصلك نوبة في كيشي إلى معرفتش إسأل الرجل الأمريكي لي تنضم الصف لي ناس

هو يدلك من بعد تمشي لإ كيشي تلقى أمريكي أو أمريكية توقف يقولك عطيني باسبورك تعطيه ليه هو و دوسي أصفر لي جبتي إلى كنت سياحة تعطيه غير باسبورت صافي

يشوف أوراقك كاملة لي ف دوسي أو باسبورك إلى كنت سائح

و يقولكم ديرو بصمات ب اليزر دير بصمات لي يد يمنى و ليسرا و صباع بزوج لي بقو حيت لمرة لولا قدير 4 سبعان لوولين و تانية كذالك بحال شكل ديال قنصلية ملي بغيتو تاخدو فيزا

لي لاحضت هنا أنا كين فرق ما بين المغرب في معاملة المطار بالنسبة للأجانب و أمريكا يعني هنا في أمريكا أي واحد جا سياحة أو ب أي فيزا ل أول مرة تيدوز من بحت و أخذ صورة له و بصمات بحيت إلى كان شي مشكل أو حاجة يعرفه خطار هاد الناس لكن المغرب لي جا تدخل سايب كريتأ صافي يديرها قد راسو و يهرب شكون شافو إلى الله واش متفقين معايا أولى هههه
من بعد يقولك وقف مزيان و تقبل مع كاميرا يساورك من بعد يشوف أوراق يقولك إلى كنت مقيم تمشي لمكتب كدا تعطيهم أوراق إلى كنت سائح ياخد صورة ليك و بصمات و يقولك بسلامة

إلى كنت مقيم تمشي لمكتب تلقى شينوي حداه يشوف أوراق يقولك دخول و جلس تدخل تجلس حتى يعيط ليك ب إسمك أمريكي شرطي تمشي دير بصمات و تسني يقولك بسلامة تمشي إلى كنت ف مطار نيو يورك أفضل شي أنك تكون عندك 5 دولار ورقة لكي تاخد شارييو باش تدير فيه شنط تاعك إلى مكنتش خمسة دولار متقدرش تخرج يعني يستحسن تجيبها معاكم ملي تكونو جايين مصرف

إلى كنتو في مطر بوسطن ماتحتاج ليها لكن من أحسن تكون عندكم حيت شي ولاية لابد خمسة دولار لكي

تاخدو الشنط تاعكووم و تخرج تبعو غير

exit

تلقو جمركي في الباب تعطيه لورقة لي عمرت في طيارة يشوفها و باسبورت و يقولك

welcom to america

و تخرج تلقى صديق أو زوج أو خطيب أو أهل تيتسناو فيك في الخارج و هادي رحلة تاع طيارةن من بلدك الأم إلى أمريكا بلاد العم سام

حاجة تانية أول ماتوصل لي أمريكا و تستقر في نفس الأسبوع تمشي ل أقرب مكتب خاص بي

social

إلى معرفتيش كولشي ف جوجل كتب و كتب الولاية و يعطيك عنوان

تمشي تدي ليهم باسبورت تاعك و تدفع ليه يوصلك للمنزل على سبعة أيام

جرين كارد توصلك رسالة الأولى فيها ترحيب لي أنك دخلت أمريكا ترحب بيك فيها و يشرح ليك معلومات و ما بين ١٣ يوم إلى ٢٠ يوم إلى تعطلت

من بعد يمكن ليك البحت عن عمل أو دراسة

بنسبة ل سياحة مايفوتش ستة أشهر في أمريكا هادشي إلى كانت عندهم فيزا تاع 10 سنوات

بنسبة لي جاي خطوبة خص يتزوج في ظرف تاع ثلات أشهرمن وصولو ل هنا و يدفع جرين كارد إذا متزوجش يرجع لي بلاده أو يتسمى حرق الفيزا و كحلها إلى حرق فيزا هههه

حاجة أخرى لي جايين سياح لي نوصي به الورقة البيضاء لي تيعتيوكوم في أمريكا مع باسبورت حتافدو بها إلى تودرت ليكم مشى ليكم حلم أمريكي إلى بغيتو تزوجو هنا و تعملو جرين كارد هاديك هي كولشي إلى فقدتها واخا تزوج باش دير جرين كارد جد صعب إوا دعو معايا را ماكملت لموضوع حتى سخفت لي قرا لموضوع يدعي معايا و نتمنى ليكم حظ سعيد في أمريكا

هذا سيت لي تنكتب منو يعني clavier arabe

سهلا في الكتابة

هاهو رابط طاعه بتوفيق لكم



http://www.google.com/ta3reeb/

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://droit.moontada.com
 
حصريا جديد2012مراحل الوصول إلى مطارات أمريكا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
القانون الشامل :: المنتدي العام :: منتدي الهجرة والمهاجرين-
انتقل الى: